Ливерпул загуби од Арсенал со 0:1 на „Енфилд“ во неделата, а по натпреварот најмногу од домашниот тим коментираа за пеналот што не беше досуден. Во првото полувреме, Јуриен Тимбер го повлече Александар Исак за дресот во шеснаесетникот додека шведскиот напаѓач се движеше кон топката, но Исак не падна, а ниту судијата, ниту ВАР не реагираа.
Тренерот на Ливерпул, Андони Ираола, не го криеше својот гнев по натпреварот. „Тоа беше јасно влечење за дрес. Мора да симулирате. Ако не симулирате, пенали не се досудуваат“, рече Ираола. На прашањето дали сега ќе му каже на Исак да падне во вакви ситуации, тој одговори: „Да, дефинитивно“.
Ираола отиде чекор понатаму. „Мора да им кажеме: Паднете, бидејќи во спротивно нема да го судат ништо“, рече шпанскиот тренер, кој верува дека пеналот не е досуден веројатно затоа што Исак остана на нозе и се обиде да ја продолжи акцијата кон голот.
Капетанот Вирџил ван Дајк исто така беше лут. „Мислам дека беше чист пенал. Зошто тој мора да се жали кога има толку многу камери?“, рече холандскиот дефанзивец, алудирајќи на околу 50-те камери што ги има на располагање ВАР системот.
Според информациите од Стокли Парк, каде што се наоѓа ВАР центарот на Премиер лигата, судиите процениле дека контактот на Тимбер не бил доволен за да го собори Исак.
Foto/ depositphotos
