По мирното утро, улиците на Париз повторно се исполнија со демонстранти, а тензиите растат во пресрет на вечерното обраќање на францускиот претседател Емануел Макрон.

Меѓу демонстрантите владее гнев сличен на оној од синоќа, додека незадоволство од состојбата во градот изразуваат и бројни граѓани кои не учествуваат во протестите.

Младите учесници на протестите не веруваат дека претседателот Макрон може да ги смири страстите. На прашањето што би сакале да слушнат од него во вечерашното обраќање, повеќето одговараат кратко: „Ништо“.

🇫🇷 Oh no, not this! Protesters in Paris are already near the Louvre

Is the world’s most visited and oldest art museum under threat? Judging by the footage we’ve seen earlier, anything is possible.

French cities have literally turned into war zones over the weekend. Macron is set to deliver an emergency address to the nation this evening.

— NEXTA (@nexta_tv) October 18, 2026

Протестите првично започнале како демонстрации на средношколците поради условите во образовните установи, но движењето во меѓувреме се проширило и привлекло учесници од различни делови на општеството.

Меѓу демонстрантите повторно се забележани и припадници на движењето „Жолти елеци“, кое организираше масовни протести во 2018 година.

Полицијата се обидува да ги растера собраните демонстранти, а исходот од ситуацијата во часовите пред обраќањето на Макрон останува неизвесен.