Повеќе од пет милиони луѓе веќе учествуваа во петицијата, фудбалската репрезентација на Аргентина да биде исклучена од Светското првенство.

На веб-страницата „Argentinaout.com“ започна кампања за елиминирање на полуфиналистите од Мундијалот, без понатамошна борба.

Причината, тврдат тие, е фаворизирање од страна на судиите.

„Јасно е дека ФИФА и судиите се пристрасни кога станува збор за Лионел Меси и Аргентина. Зошто остатокот од светот треба да се натпреварува кога победникот е веќе решен. Исфрлете ја Аргентина од Светското првенство и дајте им на сите фер шанса“, се вели во краткиот опис на страницата, каде што има едноставно копче за потпис со кликнување.

Дури 5.200.000 луѓе ја потпишале петицијата, но тој број расте со огромна брзина, што сведочи за незадоволството на голем дел од фудбалската публика и нивното согласување со она што беше кажано на оваа страница.

Во меѓувреме, Аргентинците продолжуваат со подготовките за полуфиналето.

Актуелните светски шампиони играат против Англија во Атланта во среда од 21:00 часот.

Foto/ EPA