Министерството за финансии интензивно работи на подготовката на Буџетот за 2027 година, додека во Собранието се расправа за ребалансот на Буџетот за 2026 година, информира министерката за финансии Гордана Димитриеска-Кочоска.

Таа на социјалните мрежи објави дека активностите во Министерството продолжуваат и за време на празници и викенди, нагласувајќи ја одговорноста на институцијата за управувањето со јавните финансии.

„И кога е празник и викенд обврските не застануваат кога работиме за нешто што е важно за сите граѓани. Зад секој буџет стојат многу разговори, идеи, одлуки и часови посветена работа. А најважно од сè е кога имаш тим со кој заеднички ги делиш одговорноста за јавните финансии и желбата да направиш нешто добро. Продолжуваме заедно, затоа што одговорноста не познава празници“, стои во објавата на Димитриеска-Кочоска.