Големиот скандал поврзан со политичкиот притисок на Доналд Трамп врз ФИФА за поништување на црвениот картон на американскиот напаѓач Фоларин Балогун продолжи на највисоко дипломатско ниво, но имаше и неславен крај на теренот.

Американскиот државен секретар Марко Рубио јавно ја бранеше интервенцијата на Трамп пред осминафиналниот натпревар, но на крајот тоа воопшто не им помогна на Американците – Белгија убедливо ги елиминираше од Светското првенство синоќа со резултат од 4:1.

„Каква е таа победа ако не игра најдобриот?“
Рубио пред натпреварот рече дека верува оти одлуката на ФИФА да ја укине суспензијата била апсолутно исправна, нудејќи прилично необично објаснување.

Rubio: It was the right decision to reverse it and why would you want to play a game and win a match and then everyone would argue you didn’t really win because the best player was not on the pitch during the match. Maybe we will bring it up at NATO tomorrow pic.twitter.com/n8WLKopzUB

— Acyn (@Acyn) July 6, 2026

„Мислам дека тоа беше правилна одлука. На крајот на краиштата, ако си Белгија, зошто би сакал да играш и да победиш на натпревар за кој сите подоцна ќе тврдат дека навистина не си победил затоа што твојот нивниот играч и водечки стрелец не бил на теренот?“, праша Рубио.

Тој на шега додаде дека целата работа се претвора во сериозен меѓународен проблем што може да заврши на официјални политички состаноци.

„Можеби ова се претвора во меѓународен инцидент, не знам, можеби ќе мора да разговараме за тоа на самитот на НАТО утре. Таму сме со Белгијците и сите други. Но, само се надевам дека играта ќе започне, дека сите се во полна сила и дека победникот е вистинскиот победник на крајот“, рече министерот за надворешни работи на Трамп.