Чартер лет од Грција кон Лондон со 225 патници и седум членови на екипажот ноќеска принудно слета на аеродромот во Ерфурт, Германија, поради појава на чад во авионот.

Екипажот на авионот „ербас А321“ на британската авиокомпанија „Џет2“ побарал итна помош, по што авионот безбедно слетал, а сите патници и членови на екипажот биле евакуирани без повредени.

По проверката, пожарникарите не пронашле пожар ниту извор на чадот. Причината за инцидентот сè уште не е утврдена, а авионот ќе остане во Ерфурт додека не биде извршен деталeн технички преглед. Во меѓувреме, авиокомпанијата треба да организира заменски лет за патниците кон Лондон.