Стив Кларк поднесе оставка од функцијата селектор на Шкотска.

Само еден месец откако потпиша нов четиригодишен договор, тој донесе одлука да се пензионира веднаш откако Шкотска и математички беше елиминирана од Мундијалот.

Во конкуренција на Бразил, Мароко и Хаити, Шкотите забележаа една победа и два порази.

Кларк ја напушта клупата како најуспешен менаџер на Шкотска во модерната историја. За време на неговите седум години на функцијата (од мај 2019 година), тој ја трансформираше репрезентацијата и ја врати на мапата на светскиот фудбал.

Ја однесе Шкотска на Светското првенство за прв пат од 1998 година и успешно ја квалификуваше репрезентацијата за Европските првенства во 2020 и 2024. Тој го презеде тимот кога беа во четвртиот шешир од квалификациската ждрепка и ги одведе до вториот шешир и првата позиција во квалификациската група за ова Светско првенство.

„Најемотивниот дел од ова збогување е поврзан со моите играчи, без кои немаше да ги создадеме сите овие спомени од 2019 година до денес. Тие заслужуваат сите пофалби и беше вистинска чест да бидам нивен тренер. Ви благодарам и среќно на мојот наследник“, рече Кларк.

Foto/ Depositphotos