Карлос Кеирош, селекторот на Гана, го објави списокот од 28 играчи, за Светското првенство во САД, Канада и Мексико.
Африканската земја претрпе голем удар на нешто повеќе од две недели пред почетокот на натпреварувањето, бидејќи напаѓачот Мохамед Кудс отпадна поради повреда.
Напаѓачот на Тотенхем заработи повреда на квадрицепсот во јануари и се очекуваше да се врати во март. Сепак, 25-годишниот ас сè уште не се опоравил, па Кеирош не го вклучи во списокот за Мундијалот.
Кудус е најпознатото име на „Црните ѕвезди“ заедно со напаѓачот на Манчестер Сити, Антоан Семењо. Неговата вредност на трансфер пазарот се проценува на 55 милиони евра, додека Семењо вреди 75 милиони евра. На 46 натпревари за Гана, Кудус постигна 13 гола.
Португалскиот стручњак избра пет голмани, девет дефанзивци, седум играчи од средниот ред и седум напаѓачи. Двајца голмани речиси сигурно ќе отпаднат од конечниот список.
Голмани: Бенџамин Асаре (Хартс оф Оук), Лоренс Ати-Зиги (Сент Гален), Џозеф Ананг (Сент Патрик), Соломон Агбаси (Хартс оф Оук), Пол Реверсо (Ајакс);
Дефанзивци: Баба Абдул Рахман (ПАОК), Гидеон Менсах (Оксер), Марвин Сенаја (Оксер), Алида Сеиду (Рен), Абдул Мумин (Рајо Ваљекано), Жером Опоку (Башакшехир), Јонас Аџетеи (Волфсбург), Којо Опонг (Ница), Александар Џику (Спартак Москва)
Играчи од средниот ред: Елиша Овусу (Оксер), Томас Парти (Виљареал), Кваси Сибо (Реал Овиедо), Аугустин Боаке (Сент Етјен), Калеб Јиренки (Нордсјаланд), Абдул Фатава Исахака (Лестер), Камал Дин Сулемана (Аталанта).
Напад: Кристофер Бонсу Ба (Ал Кадсија), Ернест Нуама (Лион), Антоан Семењо (Манчестер Сити), Брендон Томас-Асанте (Ковентри), Принс Квабена Аду (Викторија Пилсен), Инаки Вилијамс (Атлетик Билбао), Џордан Ају (Лестер).
