Бројот на жртвите од бомбашкиот напад врз автобус на колумбиски автопат во саботата се искачи на 20, а повредени се уште 36 лица, меѓу кои и малолетници. Снимките од местото на настанот покажуваат уништени возила и остатоци расфрлани по Панамериканскиот автопат во јужниот регион Каука, објавува Би-Би-Си.
Колумбискиот претседател Густаво Петро ги обвини бунтовниците поврзани со дисидентските фракции на Револуционерните вооружени сили на Колумбија (ФАРК) за нападот, додека локалниот гувернер Октавио Гузман го опиша нападот како најбрутален против цивилите во последните децении. Мировниот договор од 2016 година меѓу ФАРК и владата доведе до демобилизација на илјадници борци, но некои фракции се отцепија и одбија да го положат оружјето.
¿Qué es terrorismo? Es producir miedo masivo en la población a través de la violencia.
El miedo es el instrumento del fascismo para acceder al poder y del narco para controlar la población.
Los que atentaron y mataron a siete civiles e hirieron a 17 civiles más en Cajibío,…
— Gustavo Petro (@petrogustavo) April 25, 2026
„Оние што го извршија овој напад се терористи, фашисти и шверцери на дрога“, објави Петро на социјалната мрежа Икс.
„Сакам нашите најдобри војници да се соочат со нив“, додаде тој.
Гувернерот Гузман го нарече нападот „неселективен“ во видео објавено на мрежата Икс, на кое се прикажани превртени возила и кратери по автопатот.
Terrorist attack on the Pan-American Highway in Colombia: at least 14 dead, more than 20 injured
An explosive device detonated above a passenger bus, damaging several vehicles on one of the country’s key transport routes.
Cauca Governor Octavio Guzmán said the attack poses a… pic.twitter.com/k49ietpM3R
— NEXTA (@nexta_tv) April 26, 2026
Кратер од 200 метри
Гузман претходно изјави дека меѓу загинатите има 15 жени и пет мажи и дека експлозијата оставила кратер со дијаметар од 200 метри. Сведоците за АФП изјавија дека експлозијата била толку силна што ги фрлила неколку метри назад. Гувернерот додаде дека од петокот, регионот Каука е сведок и на серија помали напади, вклучувајќи еден врз воена база во градот Кали, во кој се повредени две лица.
Министерот за одбрана Педро Арнулфо Санчез изјави дека претходно во текот на денот во регионот Каука е пронајден автобус полн со експлозив кој не детонирал, а за обидот ги обвини нарко-картелите.
