СВР Велес вечерва излезе со официјална информација  по видеото за тепачка на двајца директори на училишта во Кавадарци, објавено на социјалните мрежи.

– Денеска околу 01.15 часот, полициски службеници од Полициската станица Кавадарци ги привеле С.П.(54) и Ѓ.Ѓ.(39), двајцата од Кавадарци затоа што пред угостителски објект во Кавадарци го нарушиле јавниор ред и мир и агресивно се однесувале кон лица од обезбедувањето. По целосно документирање на случајот ќе биде поднесен соодветен поднесок, појасни за МИА Ристе Самарџиев, портпарол на СВР Велес.

Градоначалникот Митко Јанчев рече дека по информациите добиени од МВР, во понеделник ќе преземе чекори и најави разрешување на директорите на основни училишта.   Видеото објавено на социјалните мрежи предизвика бурни реакции во јавноста.