Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство на (ЕЛ-1), од полноќ се зголемуваат за 1,00 денар, а ЕУРОДИЗЕЛ (Д-Е V) за 1,50 денари по литар, соопшти Регулаторната комисија за енергетика и водни услуги.

Новата ЕУРОСУПЕР БС-95 ќе изнесува 78,50 денари, ЕУРОСУПЕР БС-98 ќе се продава за 80,50 денари, Екстра лесното масло за домаќинство на (ЕЛ-1) за 67,50, а ЕУРОДИЗЕЛ (Д-Е V) за 69,00 денари за литар.

За 0,551 денари поскапува и Мазутот М-1 НС и еден килограм ќе чини 39,433 денари.