Земјотрес со јачина од 6,1 го погоди брегот на индонезиската провинција Источна Нуса Тенгара, соопшти денеска државната агенција за геофизика.

Во објава на X, агенцијата рече дека нема потенцијал за цунами.

Епицентарот се наоѓал на 104 километри југоисточно од градот Енда, во источната провинција Нуса Тенгара на длабочина од 47 километри, објави агенцијата.

Нема информации за штети или жртви.