Украинскиот претседател Володимир Зеленски утрово во францускиот парламент изјави дека Европа е континент во војна и дека Русија нема да ја запре својата агресија на границите на Украина.

„Живееме во време кога Европа, за жал, повеќе не е континент на мирот“, рече Зеленски во обраќањето пред француските претставници.

„Уште еднаш, европските градови се уништуваат и селата горат“, рече тој за руското бомбардирање на Украина. Тој, исто така, ги осуди киднапирањата на украинските деца на окупираните територии.

„Ова што се случува сега е против Украина. Но, утре може да биде насочено кон други земји, а ние веќе јасно ја гледаме насоката на агресијата: балтичките земји, Полска, Балканот“, посочи тој.

„Рускиот режим не гледа никакви граници, па дури ни Европа веќе не е доволна“, рече Зеленски, посочувајќи на руските воени акции во Сирија и зголеменото присуство на Москва во африканскиот регион Сахел.

Зеленски предупредува дека и рускиот претседател Владимир Путин се обидува да ги „ослабне“ земјите предизвикувајќи храна и енергетска несигурност.

Тој смета дека светот бил премногу „исплашен“ за да му одговори на Путин со сила. Тој во неколку наврати и се заблагодари на Франција за воената и дипломатска поддршка, откако претседателот Емануел Макрон синоќа најави испраќање борбени авиони во Киев.

Зеленски истакна дека победата е можна и покрај напредокот на Русите на фронтот.

„Можеме ли да ја добиеме оваа битка, секако, да“, увери украинскиот претседател, кој за првпат зборуваше пред францускиот парламент.