Вооружени напаѓачи на мотоцикли киднапираа повеќе од 280 студенти во нигерискиот град Курига. Очевидци наведуваат дека ги киднапирале децата кога се собрале пред училиштето околу 08:30 часот. Тие земале ученици на возраст од осум до 15 години, заедно со наставникот.

Уба Сани, гувернерот на државата Кадуна, го потврди инцидентот и рече дека 187 средношколци и 125 основци биле киднапирани, но дека 25 од нив оттогаш се вратени. Сведокот рече дека напаѓачите пукале во дете кое подоцна било пренесено во болница, пишува Би-би-си.

Наставникот кој успеал да побегне вели дека локалните жители се обиделе да ги спасат децата, но безуспешно, а едно лице е убиено. Пред неколку дена исламистичката група Боко Харам киднапираше десетици жени и деца во североисточна Нигерија додека собираа дрва за огрев.

Во 2022 година, во Нигерија беше донесен контроверзен закон за ставање крај на зголемениот број на киднапирања, според кој исплатата на откуп е казниво дело. За ова е предвидена затворска казна од најмалку 15 години, но досега никој не е уапсен.