Во главниот град на Нигер, Ниамеј, денеска преовладува мир, неколку часа пред истекот на ултиматумот што ѝ го дадоа на нигерската хунта земјите од Економската заедница на западноафриканските држави (ЕКОВАС) за враќање на власт на демократски избраниот претседател Мохамед Базум, пренесуваат британските медиуми.

Минатата недела, земјите од ЕКОВАС им дадоа на пучистите кои го соборија Базум една недела да го вратат на власт, предупредувајќи дека би можеле да употребат воена сила за да го вратат уставниот поредок во Нигер доколку хунтата не ги исполни нивните барања.

Улиците на Нијамеј забележаа спорадични прикази на поддршка за хунтата, но немаше противење на заземената моќ на војската на Нигер, која рече дека нема да потклекне на надворешниот притисок.

Пучот во Нигер е седми пуч во Западна и Централна Африка во последните три години, забележуваат британските медиуми.

На 30 јули, шефовите на одбраната на ЕКОВАС се согласија да употребат сила доколку претседателот Базум не биде вратен на власт, вклучително и кога и каде да се удри хунтата во Нигер.