Полицијата обвини 25-годишен маж за убиството на Кулсума Актер, која беше избодена до смрт додека туркаше бебе во количка во Бредфорд. Властите го уапсија Хабибур Масум од Барнли во вторникот рано наутро и тој беше обвинет во средата. Тој денеска треба да се појави пред судот во Брадфорд.

Властите, исто така, уапсија уште четворица мажи на возраст од 20-ти години, под сомнение дека помагале на престапник и прекршоци поврзани со дрога. Моментално се во полициски притвор.

Полицијата во Западен Јоркшир во соопштение додаде дека 23-годишниот маж кој беше уапсен во понеделникот под сомнение дека му помагал на обвинетиот е ослободен со кауција. Актер (27) во саботата околу 15 часот и 21 минути била пронајдена тешко повредена. Таа била пренесена во болница каде починала. Нејзиното бебе не е повредено.

Роднина на 27-годишната, Афтаб Миах, изјави за Би-Би-Си претходно оваа недела дека семејството е уништено од нејзината смрт. “Беше љубезна и скромна. Ги смееше луѓето околу неа. Нејзината мајка во Бангладеш постојано лее солзи”, вели Миах.