Во главниот град на Португалија, Лисабон, како и во Порто, на северозападот од земјата, протестите продолжија утрово на главните градски плоштади поради кризата со домувањето и зголемените трошоци за живот.
Демонстрантите поминаа мирна ноќ, седејќи и спиејќи на плоштадите во Лисабон и Порто, објави агенцијата „Луса“. Учесниците на протестот против кризата со домувањето и зголемените трошоци за живот поставија десетици шатори на централниот плоштад Росио во Лисабон во саботата навечер и објавија дека сакаат да останат таму.
#Portugal #Breaking Housing protest starts in #Lisbon with protesters setting tents at #Rossio Square. #acampada video via: https://t.co/uEOaRE3LVA pic.twitter.com/cQ9br71Sgx
— José Miguel Sardo (@jmsardo) October 17, 2026
Според синдикатот, десетици илјади луѓе учествуваа во маршот низ центарот на Лисабон во саботата, кој помина мирно, а полицијата не ја објави сопствената проценка за бројот на учесници.
Главните барања на учесниците на протестот во Лисабон се попристапни станови, пониски кирии, повисоки плати и пензии. Слични протести се одржуваат и во други европски градови поради растечките трошоци за живот и сè потешката достапност на станови, но и поради барањата за подобро образование.
