Спасувачите до утринава пробиле околу една третина од урнатините на срушениот тунел на автопатот во Индија за да стигнат до 40 работници кои се заробени таму веќе пет дена, соопштија властите.
Дупчењето продрело околу 21 метар урнатини, изјави за Ројтерс претставникот за управување со катастрофи Девендра Синг Патвал.
Тие треба да поминат вкупно растојание од речиси 60 метри.
ये है वो नम्बर वन अमेरिकन ऑगर मशीन जिसे भारतीय वायु सेना के चार माल वाहक विमानों के ज़रिए चिन्यालीसौड लाया गया और जो अब उत्तरकाशी के सिलक्यारा स्थित सुरंग में फंसे लोगो को निकालने के लिए ड्रिल करके पाइप अंदर तक ले जाने के काम में जुटी है। #UttarakhandTunnelCollapse #Uttarkashi… pic.twitter.com/nKG6oebUOe
— Ajit Singh Rathi (@AjitSinghRathi) November 16, 2023
Официјален претставник на спасувачката екипа во тунелот изјави дека затрупаните луѓе се добро. Работниците преку цевки се снабдуваат со храна, вода и кислород, а надлежните контактираат со нив преку воки-токи.
Тунелот долг 4,5 километри се наоѓа во северната држава Утараханд и е дел од автопатот Чар Дам, еден од најамбициозните проекти на владата на индискиот премиер Нарендра Моди.
Властите не кажаа што го предизвикало уривањето на тунелот во неделата наутро, но регионот е подложен на лизгање на земјиштето, земјотреси и поплави.
