Ураганот Сајмон го погоди мексиканскиот брег на Тихиот Океан како ураган од трета категорија, носејќи силни ветрови и обилни дождови. Иако центарот на бурата остана над морето, најсилните ветрови и дождови ги погодија населените места сместени помеѓу планинскиот венец Сиера Мадре и Тихиот Океан, пренесува АП.
Ураганот се движеше паралелно со брегот, приближувајќи се кон популарниот туристички град Пуерто Ваљарта. Според Националниот центар за урагани на САД (NHC), брзината на ветерот до синоќа опаднала на 185 километри на час, но бурата сепак претставува значителна закана.
🌀🇲🇽Watch: HURRICANE #Simon THREATENS #Mexico
Powerful winds, torrential rain, and dangerous flooding threaten coastal communities. 🌊⚠️
https://t.co/8nvb39iePz
— World_Breaking_News03 (@Breaking2003) October 11, 2026
Областа околу Пуерто Ваљарта – популарен туристички град во мексиканската држава Халиско на пацифичкиот брег – е особено загрозена. Многу жители живеат на ридовите над туристичките одморалишта, во домови што можеби нема да ги издржат силните налети на ветерот.
„Очекуваме катастрофални последици“
Синоќа, центарот на ураганот се наоѓаше на околу 75 километри јужно од Кабо Кориентес, рт на мексиканскиот пацифички брег во близина на Пуерто Ваљарта.
Schools are cancelled today across Acapulco, Costa Grande, and Central Guerrero, Mexico, because of heavy rains from Hurricane Simon.
The storm has flooded major roads all over Acapulco and triggered a landslide that knocked down power poles, causing massive traffic jams.
Officials are telling everyone to stay safe and are asking schools to open up as emergency shelters if needed. https://t.co/cd38r0zwpX
— Volcaholic 🌋 (@volcaholic1) October 9, 2026
Филип Папин од Националниот центар за урагани на САД предупреди дека Кабо Кориентес, сместен на западниот раб на мексиканското копно, би можел да претрпи директен удар. Оваа област се наоѓа на јужниот крај на големиот залив Бахија де Бандерас, каде што е сместен Пуерто Ваљарта.
„Очекуваме катастрофални последици од силните ветрови и од порастот на нивото на морето што претставува закана по животот долж западните и централните делови на мексиканскиот брег, каде што моментално е на сила предупредување за ураган“, изјави Папин.
Hurricane Simon Is About To Make Landfall In Puerto Vallarta https://t.co/W1Zytbyxbn
— Santini Bracho (@SantiniBracho) October 11, 2026
Тој исто така предупреди на обилни врнежи што би можеле да предизвикаат опасни поплави и лизгање на земјиштето, особено во планинските крајбрежни области, како и на големи бранови.
