Иранските вооружени сили денес објавија видео од воени бродови, повторувајќи ја својата порака дека целосно го контролираат стратешкиот Ормутски теснец и нема да дозволат премин на САД или на земјите што учествуваа во неодамнешните напади врз Иран. Иран претходно објави дека го затвора теснецот, еден од најважните морски патишта за глобален транспорт на енергија, за бродови што им припаѓаат на земји поврзани со нападите на САД и Израел.
„Нема сомнение дека Ормутскиот теснец е под мудро управување на храбрите поморски сили на Револуционерната гарда. Американските агресори и нивните партнери немаат право на премин тука“, соопшти Централната команда на Хатам ал-Анбија, единица одговорна за надгледување на воените операции. Во објавеното видео, барем еден брод го вее и руското знаме.
Нападите врз бродови во Персискиот Залив продолжуваат. Британската организација UK Maritime Trade Operations (UKMTO) вчера објави дека вкупно 13 бродови биле нападнати во Персискиот Залив, Ормутскиот теснец и Оманскиот Залив од почетокот на војната на 28 февруари до вчера.
Уште два брода беа нападнати ноќеска покрај ирачкиот брег, во близина на пристаништето Ум Каср во близина на Басра. Едно лице загина, а 38 беа повредени во нападот, изјави раководителот на ирачката државна компанија за управување со пристаништа.
UKMTO, исто така, објави нови информации за инцидентот северно од Џебел Али во Обединетите Арапски Емирати. Капетанот на бродот извести дека контејнерскиот брод бил погоден од засега непозната ракета, што предизвикала мал пожар на бродот. UKMTO наведува дека целосната проценка на штетата во моментов е тешка поради темнината.
According to an Iraqi port official, two foreign tankers carrying Iraqi fuel oil were attacked within the territorial waters of Iraq within the last hour, causing both to catch fire in the Persian Gulf. A total of 25 crewmembers onboard the vessels have been evacuated so far by… pic.twitter.com/xBCHI09Txs
— OSINTdefender (@sentdefender) March 11, 2026
Трамп: Ги уништивме сите нивни бродови
За потсетување, американскиот претседател Доналд Трамп коментираше за ситуацијата во Ормутскиот теснец. „Теснецот е во многу добра состојба. Ги уништивме сите нивни бродови. Тие сè уште имаат некои ракети, но не многу“, рече тој. Тој изјави дека Соединетите Држави „победиле“ во војната со Иран, но дека ќе продолжат со воените операции сè додека работата не биде целосно завршена.
Тој, исто така, изјави дека Соединетите Држави „онеспособиле“ 58 ирански воени бродови. Американскиот претседател, исто така, тврдеше дека операцијата веќе постигнала голем успех, но предупреди дека не сака прерано да прогласи победа.
