Студентските протести во албанската престолнина Тирана ескалираа во насилни судири меѓу демонстрантите и полицијата во текот на петтиот ден од протестите. Безбедносните сили употребиле солзавец, гумени куршуми и водени топови во обид да ја стават ситуацијата под контрола.
Демонстрантите фрлале камења и други тврди предмети кон полицијата и зградата на Министерството за образование. Во претходните инциденти биле повредени осум полицајци, а била предизвикана материјална штета врз министерството и сообраќајната сигнализација.
Esto no es Francia, ni Milán, tampoco es Bélgica.
Es Tirana, Albania.
En teoría todos piden lo mismo. https://t.co/tt6IzWuZFq
— MΛRC VIDΛL (@marcvidal) October 17, 2026
Според информациите од Универзитетската болница за трауматологија, медицинска помош добиле вкупно 21 лице — осум полицајци, 10 демонстранти и тројца минувачи.
Повреден и директорот на полицијата во Тирана
Директорот на полицијата во Тирана, Олигер Торба, бил забележан во болницата со преврзана рака, откако бил повреден за време на протестите.
Специјалната полициска единица РЕНЕА била распоредена околу зградата на премиерот, поради зголемените тензии и опасноста од нови инциденти.
Албанската полиција соопштила дека по насилствата во петокот биле уапсени 10 лица, додека постапки биле покренати против уште 22 лица.
🇦🇱 REBELIÓN EN ALBANIA
Manifestantes quemaron un comercio pegado al edificio de la Corte Suprema en Tirana. https://t.co/DmukDs4zu6
— Mundo en Conflicto 🌎 (@MundoEConflicto) October 18, 2026
Рама: Правото на протест мора да се почитува, но уништувањето ќе се казнува
Албанскиот премиер Еди Рама ги посетил местата каде што била предизвикана материјална штета, меѓу кои и оштетен деловен објект.
Тој изјавил дека на оштетените компании ќе им биде понудена помош и ги повикал сопствениците да поднесат барања преку платформата на државниот портал е-Албанија.
Рама нагласил дека го поддржува правото на студентите и граѓаните да протестираат, но предупредил дека оние што уништуваат имот и деловни објекти ќе мора да одговараат за своите постапки.
🇦🇱 | Tirana, capital de Albania, cumple cinco días de protestas contra el Gobierno de Edi Rama, con enfrentamientos entre manifestantes y policías. Los movilizados exigen su renuncia por presuntos casos de corrupción, mientras aumentan los arrestos y los heridos.
https://t.co/bIdRAGmAYt— Alerta News 24 (@AlertaNews24) October 18, 2026
Во меѓувреме, Агенцијата за надзор на полицијата соопштила дека го следи однесувањето на полициските службеници за време на протестите. Се анализираат снимки од медиумите и материјали објавени на социјалните мрежи за да се утврди дали имало прекршувања на законот и кој би можел да сноси одговорност.
Протестите продолжуваат во услови на зголемени тензии во Тирана, додека останува неизвесно дали ќе има нови судири меѓу демонстрантите и безбедносните сили.
