Во несреќа за време на шпицот на сообраќајот во метрото во Пекинг, најмалку 102 лица се здобија со скршеници на коските.
Несреќата се случила вчера вечерта на надземниот дел од пругата, а била зафатена од временските услови и снегот. Кинеската престолнина, каде што ваквите инциденти се ретки, изминатите денови беше погодена од снежно невреме, што влијаеше на сообраќајните услови и резултираше со доцнење на транспортот низ градот.
An major accident of the Chinese subway metro has occurred in #Beijing after failure of emergency breaking system. 102 people have been seriously injured with multiple fractures. Evacuation of victims is in process. pic.twitter.com/mK4R61mvU3
— Nepal Correspondence (@NepCorres) December 15, 2023
Несреќата се случила нешто пред 19 часот, кога последните два вагони на метрото се одвоиле од вагоните пред нив, известија властите. До околу 23 часот, вкупно 515 лица се испратени во болница на преглед, од кои 102 лица се здобиле со скршеници, објави државната телевизија ЦЦТВ.
До денеска во 6 часот, 423 лица се отпуштени од болница, соопшти ЦЦТВ, додавајќи дека 67 други се уште се на лекување, додека 25 лица се под опсервација. Нема регистрирано смртни случаи, објавија државните медиуми.
More videos and pictures about the accident of the Beijing subway.pic.twitter.com/eoYJAJz6mm
— Open Resources Translation (@anonsuoi) December 14, 2023
Прелиминарната истрага за инцидентот покажа дека снежното време предизвикало лизгави патеки и „деградација на сигналот“, што резултирало со несреќата, се вели во извештајот. Корисниците на социјалните мрежи објавија дека виделе патници како паѓаат на земја, а некои се жалеле на болки во грбот.
