Нов напад со руски дронови врз Киев резултираше со едно загинато и едно повредено лице, откако дрон удрил во 24-катна станбена зграда во областа Свјатошински, потврдија градоначалникот на Киев, Виталиј Кличко, и градската воена управа.
На социјалните мрежи набрзо почна да се шири вознемирувачка снимка од ударот, на која се гледа моментот кога руски дрон со голема брзина удира во зградата, на ниво на 19-тиот кат, по што следува експлозија и пожар.
“Frankly normal” morning in Kyiv.
The moment a russian drone strikes a residential building. https://t.co/vZ6IzamWpi
— UAVoyager🇺🇦 (@CrimeanVoyager) October 21, 2026
На местото на настанот веднаш биле испратени противпожарни и медицински екипи, кои ја потврдиле смртта на станарот, додека друго повредено лице е згрижено.
Kyiv. Another night of russian terror.
A residential high-rise is burning after a russian strike. More innocent lives lost.
russia is a terrorist state.
Enough. Stop pretending this isn’t terrorism. Stop pretending you don’t see it. https://t.co/bgGfvb5oqL
— UAVoyager🇺🇦 (@CrimeanVoyager) October 21, 2026
Нападот со дронови врз главниот град на Украина се одвиваше во бранови, од синоќа па сè до утринава. Покрај директниот удар во станбениот облакодер, уништувања се забележани и на други локации во градот.
Во областа Десњански, остатоци од дронот предизвикаа пожар на паркирани автомобили, додека во областа Соломјански беше погоден објект од сообраќајната инфраструктура, при што исто така избувна пожар. Во истата област, забележан е и пад на дрон на отворен простор, каде за среќа немало материјална штета ниту повредени лица.
фото/depostipotos/илустрација
