На социјалните мрежи се појави видео од експлозија во станбен облакодер во Киев. На видеото се гледа како проектилот удира во зградата и како се создава огромна експлозија и голем облак од чад.

Во денешниот огромен руски напад врз неколку украински градови загинаа најмалку 28 лица, а повеќе од 140 беа повредени. Само во Киев загинаа пет лица, а 30 се повредени.

In Kyiv, a shot down Russian missile hit the top of a high rise building on its way down. pic.twitter.com/YGb2cUKISN

— NOELREPORTS 🇪🇺 🇺🇦 (@NOELreports) December 29, 2023

Украинскиот претседател Володимир Зеленски објави дека, според проценките, Русија лансирала околу 150 проектили во најголемиот воздушен напад врз Украина и дека повеќето од нив биле соборени. Зеленски додаде дека Русите „го испукале речиси секое оружје што го имаат во својот арсенал“.