Американските власти повикаа итна помош и спасувачки служби во руралните делови на Индијана и Охајо, откако имаше повеќе торнада низ областа. Три лица загинаа, а десетици беа повредени. Торнадото на места срамни со земја куќи.
„Имаме три жртви во округот Логан, Охајо. Најмалку едно торнадо помина низ таа област вчера околу 19:45 часот“, изјави шерифот Рандал Додс. Во исто време, торнадо го зафати Винчестер, Индијана, пренесува CBS News.
„Има многу повредени, но не ја знам бројката. Не знам каде се. Не знам колку се сериозни повредите“, изјави Даглас Картер, началник на полицијата во државата Индијана.
Y’all pray for the folks of Indian Lake… cops said I missed the tornado by about two minutes… pic.twitter.com/ITY3f6gkjF
— Ole #CBJ Dad (@CBJ_Dad0424) March 15, 2024
Во Кентаки, најмалку 50 објекти, вклучително и домови, беа оштетени за време на невремето. Гувернерот на Кентаки, Енди Бешеар, изјави дека има повредени и ги предупреди жителите на продолжување на бурите. „Добиваме извештаи за значителна штета, особено во градот Милтон“, рече тој.
