Синот на чеченскиот лидер Рамзан Кадиров нема да биде под истрага за претепување на затвореник обвинет за палење на Куранот, бидејќи има само 15 години, објави рускиот портал „База“.
Како што пишува Ројтерс, самиот Кадиров изјавил дека се гордее со својот син Адам затоа што „се стекнал со возрасни идеали за чест, достоинство и одбрана на верата“.
Ramzan Kadyrov published a video of his son Adam beating Nikita Zhuravel, who was accused of burning the Koran, in a pre-trial detention center.
“There are still disputes online about the fact of Adam Kadyrov’s beating of Holy Quran burner Nikita Zhuravel, an accomplice of the… pic.twitter.com/MfAEn84OHd
— NEXTA (@nexta_tv) September 25, 2023
На видеото кое се појави на социјалните мрежи може да се види како млад човек удира со тупаници и клоца човек свиткан на стол, пред да го собори на подот и да го удри во главата.
Затвореникот Никита Зуравел се пожалил на нападот до комесарот за заштита на човековите права, кој рекол дека случајот го проследиле до нивните колеги во Чеченија, пренесуваат медиумите во регионот.
Рамзан Кадиров (47) е на чело на Чеченија од 2007 година, кога стана претседател, и е познат како верен сојузник на Владимир Путин.
