Моќната бура Киаран ги зафати северозападна Франција и југозападна Англија пред да се прошири во Холандија, Белгија, Германија, Франција и Италија, оставајќи најмалку седум мртви и неколку повредени, соопштија во петокот локалните власти.
Киаран предизвика еден смртен случај во Холандија кога дрво падна врз лице во југоисточниот град Венреј во близина на границата со Германија, соопшти полицијата.
Storm Ciarán gaining strength and approaching Europe today. pic.twitter.com/hem1sUo8ta
— CIRA (@CIRA_CSU) November 1, 2023
Објавени се сателитски снимки од формирањето и движењето на невремето над Европа.
Паѓањето дрвја повреди луѓе на неколку други локации, вклучително и една жена во Хаг, соопшти полицијата. Велосипедистите беа погодени и од паѓање на гранки и дрвја. Во Франција две лица загинаа, а 15 се повредени, меѓу кои седум пожарникари, изјави министерот за внатрешни работи Дарманин. Возачот на камионот загинал кога удрил во паднато дрво. Еден човек бил фатен од налет на ветер додека ги затворал ролетните на прозорецот и загинал.
Storm Ciarán organizes at it gets ready to pummel the UK and western Europe with heavy rain and strong winds. pic.twitter.com/DdJg7kVoLW
— CIRA (@CIRA_CSU) November 1, 2023
Околу 1,2 милиони домаќинства останаа без струја, а стотици илјади се исклучени од мрежата на мобилни телефони. Во некои региони ветерот достигна брзина и до 200 километри на час. Соборените дрвја ги блокираа патиштата и железничките пруги. Причинета е значителна материјална штета. Поради невремето откажани се стотици летови. Возовите до и од Париз, исто така, не сообраќаа, а беше погоден и превозот.
Ciarán has begun to impact the United Kingdom and northwestern France with very strong winds and heavy rain. pic.twitter.com/lNsYX8LeiN
— CIRA (@CIRA_CSU) November 2, 2023
Силни ветрови дувале и низ регионот на планината Харц во централна Германија во четвртокот, убивајќи една жена кога ја удрило дрво што паднало, соопштија пожарникарите во градот Гослар. 46-годишна жена од Баварија планинарела со сопругот и двете мали деца на 600 метри високата планина Рамелсберг кај Гослар кога настрадала. Невремето, исто така, урна далноводи и делумно затвори два автопати во планината Харц, соопштија пожарникарите.
Storm Ciarán lashes Western Europe and the UK with dangerously strong winds, heavy rain, and even hail. pic.twitter.com/BLPGbwQYKt
— CIRA (@CIRA_CSU) November 2, 2023
Во централната италијанска област Тоскана, најмалку три лица го загубија животот поради временските предупредувања во голем дел од земјата. Претседателот на Тоскана, Еугенио Џани изјави дека две лица загинале во општина Монтемурло, околу 25 километри северозападно од Фиренца, каде што се излеа реката. Трето лице загина во Росињано на брегот на Тоскана.
