Хамас објави видео на кое се гледаат три израелки како заложници на терористичката група во Појасот Газа, пишува „The Times of Israel“. Една од нив е на видеото во која го критикува израелскиот премиер Бенјамин Нетанјаху, повикувајќи го да обезбеди нивно ослободување и обвинувајќи го дека не го спречил нападот на терористичката група на 7 октомври.
Не е познато дали речениците се изречени под притисок на милитантите на Хамас. Израелската армија во последните денови ги интензивираше операциите во Појасот Газа и го обвинува Хамас дека користи различни психолошки манипулации за да создаде поделби и да ја ослабне решителноста на Израелците, пренесува медиумот.
Watch and share.
Message from Israeli Hostages under Hamas to Benjamin Netanyahu . pic.twitter.com/2ska7X0ap9
— JeSuisBonheur (@BonheurSuis) October 30, 2023
„Вчера имаше прес-конференција со семејствата на киднапираните. Знаеме дека требаше да има прекин на огнот. Требаше сите да не ослободите. Наместо тоа, се возиме во вашиот безбедносен, воен, политички хаос поради нередот што го имате направено на 7 октомври. Немаше војска. Никој не дојде“, вели заложничка.
„Не убивате. Сакате да не убиете сите. Не е доволно што веќе ги убивте сите. Не се убиени доволно израелски граѓани. Ослободете не. Ослободете ги луѓето и затворениците. Да се вратиме кај нашите семејства. Сега “, продолжи таа.
Израелските власти тврдат дека Хамас ги користи преговорите за ослободување на околу 240 заложници за да купи време и ресурси за својата воена кампања. По објавувањето на видеото, се огласи и канцеларијата на Нетанјаху, која ја критикуваше „суровата психолошка пропаганда“ на Хамас.
Нетанјаху рече дека ги испружил рацете за да ги прегрне трите жени. „Нашето срце е со вас и со сите други заложници. Правиме се што можеме за да ги вратиме сите киднапирани и исчезнати дома“, рече тој.
