Рафинерија за нафта во рускиот град Рјазањ синоќа беше нападната со беспилотни летала. На каналите на „Телеграм“ кои ги следат случувањата во војната беа објавени снимки од експлозии и голем пожар. Според „Киев индепендент“, каналот на „Телеграм“ Exilenova+ извести дека беспилотните летала стигнале до индустриската зона на рафинеријата – еден од најголемите капацитети за преработка на нафта во Русија.
На снимките објавени на интернет се гледа како дејствува руската противвоздушна одбрана, по што следува силна експлозија и блесок што го осветли ноќното небо. На други видеа се гледаат пламени јазици и густ чад што се издига над областа. „Киев индепендент“ не можеше веднаш да ја потврди автентичноста на снимките, ниту пак дали рафинеријата претрпела штета.
A nighttime panorama of the Ryazan oil refinery, targeted by Ukrainian Defense Forces strike drones today.
Following a series of explosions, several fires were observed in the industrial area. https://t.co/UqpWUqJ4xo
— Exilenova+ (@Exilenova_plus) November 5, 2026
Гувернерот го потврди нападот
Павел Малков, гувернерот на Рјазањската област, потврди дека областа во текот на ноќта била цел на масовен напад со беспилотни летала и извести за пожари во индустриски објекти во градот. „Избувнаа пожари во индустриски објекти во Рјазањ“, изјави Малков, додавајќи дека остатоци од соборените беспилотни летала предизвикале штета низ целиот регион.
Оштетувањето на далноводите остави делови од Рјазањ без електрична енергија. Во училиштето број 58 биле искршени прозорците, поради што властите ја прекинале наставата. Оштетени се и станбени згради во Рјазањскиот округ, додека во Рибновскиот округ се запалил објект што не е станбен.
More from Ryazan https://t.co/vWCjyFfpeI
— Exilenova+ (@Exilenova_plus) November 5, 2026
Според гувернерот, едно лице е повредено и му е укажана медицинска помош. Малков не прецизираше кои индустриски објекти биле погодени, ниту пак ги потврди извештаите за оштетување на рафинеријата за нафта.
Стратешки важна рафинерија
Со рафинеријата во Рјазањ управува рускиот државен нафтен гигант „Росњефт“. Објектот има годишен капацитет за преработка од приближно 17 милиони тони сурова нафта и се наоѓа на околу 500 километри од украинската граница. Таму се произведуваат бензин, дизел, гориво за авиони и други нафтени деривати.
Ryazan Oil refinery https://t.co/0Fmwut83a6
— Exilenova+ (@Exilenova_plus) November 5, 2026
Во последните месеци, украински беспилотни летала во неколку наврати ја нападнаа оваа рафинерија. По нападот на 15 октомври, објектот наводно го запрел работењето на една од своите главни единици за дестилација на сурова нафта, објави „Ројтерс“, повикувајќи се на извори од индустријата. Украина продолжува да изведува напади врз руската нафтена инфраструктура, во обид да го наруши снабдувањето со гориво и да ја ослаби способноста на Москва да ја финансира војната.
