На Украина ѝ е потребна помош за да опстане, а најлогично е Русија да ја плати штетата што ја предизвикува; следствено на тоа, прашањето за користење на замрзнатите руски средства повторно е актуелно, изјави Каја Калас, високиот претставник на ЕУ за надворешни работи и безбедносна политика.
Европската Унија обезбеди заем од 90 милијарди евра за Украина за оваа и за следната година, откако земјите-членки не успеаја да постигнат консензус за користење на замрзнатите руски средства – од кои најголемиот дел се чуваат во Белгија.
Сепак, во последните денови сè почесто се зборува дека сумата од 90 милијарди евра нема да биде доволна, што ги поттикна некои земји-членки повторно да размислат за идејата за користење на замрзнатите руски средства. Белгија е најголемиот противник на овој потег, стравувајќи дека можеби ќе мора да го сноси товарот од евентуални исплати на отштета кон Русија доколку изгуби во арбитражна постапка.
Today, we will adopt nearly 1,600 new sanctions listings targeting Russia’s military-industrial complex.
This will be the single largest expansion of our sanctions list since Russia started its war.
We also welcome the energy ceasefire, when it holds.
But we haven’t seen yet if Russia will stick to it.My press remarks ahead of today’s meeting of EU Foreign Ministers ↓
— Kaja Kallas (@kajakallas) October 12, 2026
Калас: Најлогично е Русија да ја плати штетата
„Треба да ѝ помогнеме на Украина да опстане, што го отвора прашањето од каде ќе дојдат парите. Најлогично е Русија да ја плати штетата што ја предизвикува, и затоа замрзнатите средства повторно се на дневен ред“, рече Калас по состанокот на министрите за надворешни работи на ЕУ.
Таа додаде дека дискусиите ќе продолжат со цел да се најде начин за распределба на ризикот меѓу земјите-членки. На состанокот се разговараше и за интензивирањето на руските хибридни активности насочени кон европските земји. Калас изјави дека на Европската Унија ѝ е потребен механизам за консултации и брзо дејствување како одговор на таквите закани и најави дека Комисијата ќе подготви предлог за безбедносен протокол за вонредни ситуации.
