Јапонската компанија Space One го прекина летот на својата ракета Каирос веднаш по полетувањето, што го означи вториот неуспешен обид за девет месеци, во обид да стане првата јапонска приватна компанија која испратила сателит во вселената.
Тоа е последниот во низата неуспеси во развојот на ракетите на Јапонија, бидејќи владата се обидува да ја зајакне домашната вселенска индустрија со цел – 30 лансирање ракети годишно до почетокот на 2030-тите.
Властите се посветени да ја претворат Јапонија во центар на азискиот вселенски сообраќај. Вториот лет на Каирос, кој траеше само околу 10 минути, беше прекинат бидејќи „да се оствари неговата мисија би било тешко“. „Несоодветните поставки за летот го активираа автономниот систем за самоуништување на ракетата, иако не беа пронајдени никакви хардверски проблеми“, објави Space One.
Japon SpaceOne firması tarafından geliştirilen Kairos roketinin ikinci denemesi başarısızlıkla sonuçlandı. İlk test seferinin aksine fırlatma rampasından sorunsuz ayrılan roket yükselince rotasını koruyamadı. Test, uçuş sonlandırma sisteminin otomatik devreye girmesiyle sonlandı pic.twitter.com/EJhGppWweD
— Uzay Gemisi Dünya (@DunyaGemisi) December 18, 2024
Компанијата најави истрага. Сликите во живо од локалната власт на префектурата Вакајама покажаа дека 18-метарската ракета со цврсто гориво полетала од вселенското пристаниште Кии во западна Јапонија во 11 часот по локално време, но ја изгубила стабилноста на својата траекторија додека се искачувала.
Ракетата, која се упати во орбитата на надморска височина од околу 500 километри над површината на Земјата, носеше пет мали сателити, вклучително и еден од Тајванската вселенска агенција.
