Двајца пилоти загинаа откако нивните авиони се судрија при слетување на воздушната трка на националното првенство во аеродромот Рено Стед во Невада.

Ник Мејси и Крис Рашинг беа познати како „вешти пилоти и златни шампиони во класата Т-6“.

Според официјалниот распоред, трката за златото започна во 13.45 часот, а требаше да заврши во 14.15 часот, кога двајцата пилоти се судрија на крајот од трката.

Мејси наводно полетал од Тулелејк, Калифорнија, додека Рашинг полетал од Ван Најс, Калифорнија. Рашинг победи во трката претходно и беше бранител на титулата.

Други повредени нема, а причината за инцидентот се истражува.

„Безбедноста е најважната грижа и ние работиме во текот на целата година за да го организираме најбезбедниот можен настан“, се вели во соопштението на здружението Рено Ер Рејсинг.

Здружението додаде дека донело одлука за откажување на преостанатите трки по фаталната несреќа и дека работи на воспоставување контакт со семејствата на пилотите.

РАРА емитуваше во живо цел ден, но снимката од страшната несреќа беше отстранета од страницата на Фејсбук.