Десетици илјади луѓе се собраа ноќеска на плоштадот Славија во Белград за да ја прослават победата на „Студентската листа“ на парламентарните избори.
Откако Александар Вучиќ го призна поразот, прослави започнаа и во многу други српски градови. Улиците беа полни со граѓани; атмосферата е исполнета со песна, извикување пароли и звуци од автомобилски труби, а многумина носат српски знамиња.
Slavija slavi! https://t.co/TKwEONeXqu
— Душан (@DusanBrdjovic) October 25, 2026
Славија, еден од најголемите и најпознатите белградски плоштади, стана централно место на прославите. Снимките и фотографиите направени од воздух покажуваат огромна толпа што ги исполнила плоштадот и околните улици.
На Славија се собраа десетици илјади граѓани. Според извештајот на информативниот портал Nova.rs, се слушаат автомобилски труби, луѓето пеат, плескаат и извикуваат пароли, а некои од присутните дури почнаа да играат и оро.
Serbia: Celebrations kicking off in Slavija Square, Belgrade. https://t.co/Ns8ctnnKOw
— Pierre Davide Borrelli (@PierreDavideB) October 25, 2026
Беа запалени факели, а приреден беше и огномет.
Serbia 🇷🇸: celebrations in the northern city of Novi Sad tonight.
This was the city of the train station disaster, which resulted in the death of 16 people, and was the spark which led to the eventual downfall of Aleksandar Vucic. https://t.co/Xx8FssHfL6
— Thomas van Linge (@ThomasVLinge) October 25, 2026
Голема прослава се одржа и во Нови Сад, градот каде што пред речиси две години започна студентското протестно движење.
Граѓаните го исполнија Плоштадот на слободата, а меѓу песните што можеа да се слушнат беше и „Живети слободно“ од Ѓорѓе Балашевиќ.
