Американската војска нападна два танкери во сопственост на иранската влада како дел од новиот бран воздушни напади извршени синоќа, потврдија американските претставници, како што објави порталот „Аксиос“.
Ова е прв пат американската војска да ги таргетира иранските танкери како одмазда за иранските напади врз бродовите во Ормускиот теснец, наместо да ги спречи да ја прекршат поморската блокада.
Неименуван американски претставник изјави дека овој потег е дел од новата политика „танкер за танкер“ одобрена од претседателот Доналд Трамп, чија цел е одвраќање на Иран од понатамошни напади врз танкерите што минуваат низ теснецот.
Според американските претставници, околу 100 цели биле нападнати за време на нападот во вторник.
🔴🇮🇷🇺🇸CENTCOM published a video showing tonight’s airstrikes on IRGC targets, along with a statement:
“US Forces completed a round of airstrikes against Iranian military targets.
Air defense sites, radar systems, maritime assets and facilities, mine laying capabilities, and… https://t.co/yhszCjYokz pic.twitter.com/FgQrWITgsk
— BeamTracker | Military OSINT (@BeamTracker_) September 1, 2026
Иранските државни танкери беа закотвени покрај брегот на Иран, северно од американската поморска блокада. Американските беспилотни летала испукаа ракети што ги погодија нивните машински простории.
Други цели беа позициите на воздушната одбрана на Иранската револуционерна гарда, радарските системи, поморските објекти за поставување мини, комуникациските центри и лансерите за крстосувачки ракети против бродови и дронови камикази.
Американските претставници велат дека обидот за одмазда на Иран не успеал. Иран испукал околу 25 балистички ракети, но само околу половина од нив стигнале до јорданскиот воздушен простор. Десет беа пресретнати, а три паднаа на земја без да предизвикаат жртви.
