Заменик-претседателот на Советот за безбедност на Русија, Дмитриј Медведев, денес ги отфрли обвинувањата дека таа земја го организирала нападот на германскиот аеродром Лајпциг/Хале, велејќи дека станува збор за „измислена саботажа“.

Тој напиша на својот Телеграм профил дека нема докази за руска вмешаност во тој инцидент и дека Германија, поради овие лажни предупредувања, заслужува удар врз производството на воена опрема за Киев, објави РИА Новости.

„Берлин упати обвинувања за недокажан напад врз аеродромот во Лајпциг. Земајќи го предвид неонацистичкиот, екстремно русофобичен курс на сегашното раководство на Германија, измислената диверзија е најслабата форма на казна за нивните гревови. Тие заслужуваат директен удар врз сите германски објекти за производство на воена опрема за кликата Бандер. И сосема веројатно на неколку други локации во Берлин“, напиша Медведев, пренесува Танјуг.

Dрон со експлозивна направа беше откриен во август на аеродромот Лајпциг/Хале, на истокот од Германија, во близина на украински товарни авиони, напиша Би-Би-Си.

Германија објави дека Русија стои зад инцидентот.