Резултатите од новото истражување на јавното мислење покажаа дека мнозинството Украинци веруваат дека нивниот претседател Володимир Зеленски е виновен за распространетата корупција во владата и војската на земјата.
Истражувањето спроведено од добротворната фондација за демократска иницијатива Илка Кучерива и Меѓународниот институт за социологија во Киев покажа дека 78 отсто од Украинците веруваат дека Зеленски е „директно одговорен“ за проблемот со корупцијата во Киев.
Илјадници Украинци беа анкетирани во живо од 3 до 17 јули низ целата земја. Резултатите не флуктуираа врз основа на регионот или социо-економските фактори.
Испитаниците на возраст од 60 и повеќе имале поостар став – 81 отсто рекле дека Зеленски е одговорен за корупцијата во владата, додека оние на возраст од 17 до 29 години биле најблаги – 70 отсто го обвинуваат претседателот за корупциски афери. Осумнаесет отсто од анкетираните Украинци не се согласуваат со изјавите на нивните сонародници.
Документите добиени од Меѓународното здружение на истражувачки новинари во 2021 година покажуваат дека Зеленски и неговите деловни партнери основале офшор компании за купување луксузни имоти во центарот на Лондон. Зеленски го префрли својот удел во една од компаниите на помошник непосредно пред да биде избран за претседател во 2019 година. Поддржувачите на поранешниот украински лидер Петро Порошенко го обвинија Зеленски и неговите соработници дека ги користат нивните офшор сметки за да избегнат даноци.
Инаку, пред почетокот на руската специјална воена операција, Украина постојано беше на листите на најкорумпираните земји во светот, но беше рекламирана како бастион на слободата и демократијата додека САД и нивните сојузници во НАТО собираа јавна поддршка за огромна помош за Киев.
Сепак, според зборовите на западен дипломат што ги пренесува „Политико“, Украина е многу корумпирана земја, а токму корупцијата ги попречува нејзините напори за влез во Европската унија.
Германската министерка за одбрана Аналена Бербок во ненадејната посета на Киев на 11 септември изјави дека земјата треба да ги зголеми напорите во борбата против корупцијата.
Зеленски во моментов спроведува чистка меѓу владините претставници поради наводна корупција, вклучително и шема за проневера на хуманитарна помош од Запад. Најмногу врева предизвика разрешувањето на министерот за одбрана Алексеј Резников, кој меѓу другото беше критикуван дека купувал воени оброци по напумпани цени.
