Туск за можната посета на Орбан на Москва: Виктор, гласините не можат да бидат точни или можат

туск.jpg
Facebook
Twitter
LinkedIn
Telegram
WhatsApp
OK







Полскиот премиер Доналд Туск го изрази своето изненадување во објава на социјалната мрежа Х по информацијата дека унгарскиот премиер Виктор Орбан би можел да ја посети Москва само неколку дена по неговото патување во Киев.

„Гласините за вашата посета на Москва не можат да бидат точни, Виктор, или можат? напиша Туск, означувајќи го официјалниот профил на унгарскиот премиер во објавата. Информацијата за патувањето на Орбан во Русија ја објавил унгарскиот новинар Шаболч Пањи, а ја потврдиле и извори на „Радио Слободна Европа“.

Унгарската влада се уште не се изјаснила за да ја потврди или негира посетата. Официјален претставник на Европската унија, кој сакал да остане анонимен, изјавил за Радио Слободна Европа дека Орбан не го информирал Брисел за неговото заминување во Москва.

„Да прашаше Орбан, Шарл Мишел силно ќе го советуваше да не ја оствари посетата“, кажал функционерот.

Во вторникот Орбан беше во Киев, каде што им предложи на Украинците да се согласат на прекин на огнот. Претседателот Володимир Зеленски ја отфрли споменатата идеја.

Во понеделникот Унгарија го презеде своето шестмесечно претседавање со Советот на Европската унија.

Facebook
Twitter
LinkedIn
Telegram
WhatsApp
OK