Американскиот претседател Доналд Трамп денеска планира телефонски разговори со рускиот претседател Владимир Путин и со украинскиот претседател Володимир Зеленски за напорите за завршување на војната во Украина.

Според извор запознаен со ситуацијата, Трамп прво ќе разговара со Путин, а потоа со Зеленски, откако американските претставници ќе го информираат за последната рунда преговори. Американски функционер потврдил дека разговорите се планирани за денеска, , пишува Украинска правда.

На разговорите им претходеше посетата на Џаред Кушнер и Стив Виткоф на Киев, каде што вчера разговараа со Зеленски. Кушнер по средбата изјави дека Трамп е решен да стави крај на војната.