Властите во регионот на Тајван испратија предупредување во кое се наведува дека кинески сателит прелетал над воздушниот простор над јужниот дел на островот.

Во кратката порака од Министерството за одбрана во Тајпеј, која е испратена до корисниците на мобилни телефони на островот, нема дополнителни информации, пренесува Ројтерс.

Агенцијата додаде дека предупредувањето од тајванските власти дојде во исто време кога кинеските државни медиуми објавија дека Кина лансирала мал сателит.