Eден чувар на зоолошката градина загина, а друг е повреден кога носорог изврши напад денеска во зоолошката градина во предградието на Салцбург, Австрија.

Директорката на зоолошката градина „Хелбрун“, Сабине Гребнер, на прес-конференцијата изјави дека не се знае точно како се случил инцидентот, а жената која работела како чувар починала откако се здобила со повреди на градниот кош.

Таа додаде дека повредениот чувар бил итно пренесен во болница и дека неговиот живот не е во животна опасност. Гребнер изјавила дека инцидентот се случил утринава при хранење на животните и нивно лекување со средства против инсекти, пренесе Ројтерс.

„Чуварот на зоолошката градина, Германец од Баварија, бил многу искусен и специјализиран за носорози“, вели Гребнер.

Таа рече дека чуварите биле нападнати од женски носорог по име Јети.