Статуата на покојниот германски кардинал Франц Хенгсбах денеска беше отстранета од нејзината плоча пред катедралата Есен во западна Германија, неколку дена откако на виделина излегоа наводите за сексуална злоупотреба кои датираат од пред неколку децении.

Обвиненијата против кардиналот Хенгсбах, кој почина во 1991 година, придонесоа скандалот со злоставувањата извршени од свештениците во Германија да стигне во центарот на вниманието на јавноста.

Минатата недела, бискупијата во Есен соопшти дека постојат сомневања дека Хенгсбах, кој бил епископ на Есен 33 години, можеби злоставувал 16-годишно девојче во 1950-тите кога бил помошен епископ во блискиот Падерборн.