Шведски истражители објавија дека ја затвораат истрагата за експлозиите на гасоводите Северен тек 1 и 2, со што ги потврдија претходните извештаи на медиумите.

„Заклучокот од истрагата е дека овде не важи шведската јурисдикција и затоа таа треба да биде затворена“, соопшти шведското државно обвинителство.

Цевководите вредни повеќе милијарди долари што пренесуваа гас од Русија до Германија преку Балтичкото Море беа погодени од серија експлозии во шведските и данските води во септември 2022 година, испуштајќи големи количества метан во атмосферата.

Данската полиција соопшти дека нафтоводите биле погодени од силни експлозии, а шведските иследници потврдиле дека трагите од експлозивот пронајден на местото укажуваат на саботажа. Шведска, Данска и Германија покренаа посебни истраги, но сите три земји се тајни за нивните резултати. Данската и германската истрага се уште се во тек.