Шпанија нема да наплатува данок на додадена вредност (ДДВ) на основните прехранбени производи додека цените не бидат „посоодветни“, рече министерката за економија Надиа Калвино.

На 1 јануари, владата ја суспендираше наплатата на 4 отсто ДДВ за основните прехранбени производи како – леб, сирење, млеко, овошје и зеленчук и житарки, бидејќи цените на храната силно ги погодија буџетите на домаќинствата на Шпанците.

Мерката е дел од пакетот вреден 10 милијарди евра, усвоен во декември, а требаше да остане на сила до крајот на јуни.

-Владата нема да наплатува ДДВ за основните прехранбени производи дури и по истекот на тој период, а анализира кои други мерки би можеле да останат во сила, рече Калвино.