Руското Министерство за одбрана денеска соопшти дека борбени авиони уништиле два брода на украинската морнарица со екипаж во близина на Змискиот остров во Црното Море.

Најпрво борбениот авион Су-30 уништи брз украински брод, по што истото го направи и ловецот Су-24, се наведува во соопштението, пренесува „РИА“.

Руското Министерство за одбрана претходно соопшти дека синоќа руски борбен авион од Црноморската флота уништил уште четири украински брзи поморски чамци во Црното Море со украински јуришни групи до 50 војници.