Рускиот дрон со кој се нападна украинската пристанишна инфраструктура  се урна на територијата на Романија, поточно во близина на градот Гриду во Тулчеа, во пограничната област меѓу Украина и Романија.

Во соопштението на романското Министерство за одбрана се наведува дека шефот на дипломатската мисија на Руската Федерација ќе биде поканет на интервју во министерството.

Претставници на Министерството прецизираа дека го алармирале Генералниот инспекторат за вонредни состојби за „ризичната ситуација“ во средата навечер, поради што во 22 часот и 45 минути по локално време е издаден RO-Alert, односно предупредувачка порака до граѓаните во оваа област. , во овој случај за опасност од воздух . Воздушната тревога заврши околу два часа по полноќ, јавува Еуроњуз Романија.

„Авиони Ф-16 на романските воздухопловни сили од 86-та воздухопловна база во Фетешти и германските воени авиони „Еурофајтер“ од 57-та воздухопловна база „Михаил Когалничеану“ се подигнати за извршување на мисијата за следење на националниот воздушен простор“, се наведува во соопштението и се додава:

„За време на овој инцидент, надзорниот радарски систем на романската армија укажа на можно неовластено навлегување во националниот воздушен простор, со сигнал откриен на мала надморска височина на рутата до областа Гринду, во областа Тулчеа.

Понатаму се наведува дека врз основа на информациите, идентификувано е местото на ударот, односно кратер длабок 1,5 метри кој настанал како резултат на неконтролиран пад. Тоа е ненаселена област која се наоѓа на четири километри возводно од градот Гринду.

„Преземени се мерки за обезбедување на теренот и известени се надлежни структури за прибирање докази и спроведување на истраги, согласно процедурите“, изјавија претставници на МО.

Романското Министерство соопшти дека „најостро ги осудува нападите на Руската Федерација врз некои цели и елементи на цивилната инфраструктура во украинските пристаништа на Дунав“.