Русија прогласи примирје на 8 и 9 мај, по повод одбележувањето на победата во Втората светска војна, објави Министерството за одбрана на Русија.

– Вооружените сили на Русија ќе ги преземат сите потребни мерки за да ја обезбедат безбедноста на празничните настани. Русија, во врска со прогласеното примирје, очекува Украина да го следи нејзиниот пример – беше посочено во соопштението.

– Во случај Украина да се обиде да ги спроведе своите планови насочени кон нарушување на прославата на Денот на победата, вооружените сили на Русија ќе возвратат со напад врз центарот на Киев – објави Министерството за одбрана на Русија.