Преговорите за договорот со Иран се во застој поради несогласувања околу формулацијата на текстот, изјави американскиот државен секретар, Марко Рубио, во својот авион на индиски аеродром, објави CNN.

„Ќе бидат потребни неколку дена за да се решат… несогласувањата околу еден збор, една реченица“, рече тој, повторувајќи ги претходните коментари на американските претставници. „Ќе мора да го решиме тоа“, додаде тој.

Неговата изјава дојде само неколку часа откако американската војска изврши она што го нарече „самоодбранбени напади“ врз иранските места за лансирање ракети и бродови во Ормутскиот теснец.

Замолен да коментира за нападите, Рубио беше јасен. „Теснецот мора да биде отворен. Ќе биде отворен на еден или друг начин, и затоа мора да биде отворен“, рече тој.

Иранските власти сè уште не ги коментираа американските напади. Сепак, иранските државни медиуми ги опишаа како кршење на постојниот договор за прекин на огнот. Американските и иранските сили претходно разменија оган за време на примирјето.

фото/Depositphotos