Проблемите што постоеја во поранешна Југославија доведоа до конфликт поради мешањето на Западот, кажа претседателот на Русија Владимир Путин на средба со раководството на Министерството за надворешни работи.

Западот има навика апсолутно за сè да обвинува партија која не ја сака и да воведува секакви ограничувања против неа, рече Путин и потсети дека можеа да се видат такви акции на западните земји во Југославија, Ирак, Либија и Сирија.

„Сепак, нивното мешање не доведе до никакво подобрување, само ја зголеми сиромаштијата и несреќата на тие територии“, рече претседателот на Русија.

„Светот се менува, ништо повеќе нема да биде исто во економијата, технологијата, глобалната политика, како и во другите области, многу значајни и судбоносни промени се случија и во Русија и во светот“, рече рускиот лидер и додаде дека е важно да се проценат глобалните настани и да се наведат целите на работата на министерството.

Работата на рускиот МСП е посветена на развојот на земјата и обезбедувањето на нејзината безбедност и на благосостојбата и на руските семејства, рече рускиот претседател.

„Русија и нејзините партнери предлагаат решенија за основните проблеми кои не загрижуваат не само нас, туку и нашите партнери“, рече Путин.

„Глобалниот југ и исток полека стануваат истакнати, расте и улогата на Африка и Латинска Америка, што Русија го најави претходно, но сега динамиката е многу побрза“, додаде Путин.