Обилните дождови предизвикаа поплави во источниот дел на Чешка, соопштија службите за вонредни состојби.

Во Злин, индустриски град на околу 250 километри југоисточно од Прага, во близина на границата со Словачка, имаше повеќе од 300 интервенции.

Sazovice u Zlína pic.twitter.com/ClYqrqz9Sk

— Jana Volna (@volna_jana) July 1, 2024

Се користат пумпи за сушење на подрумите и приземјето на зградите, а службите ги отстрануваат и паднатите дрвја од коловозите.

На улиците на селото Сажовице западно од Злин водата се искачи и до еден метар. Десетина луѓе мораа да бидат евакуирани од своите домови.

Во Рачкова, село северно од Злин, повеќе од 40 згради беа поплавени, вклучувајќи општински канцеларии и училиште.

Потоците на места се претворени во реки. Штетата се мери во милиони евра.