Полскиот суд нареди поранешниот министер Мариуш Камински, кој моментално штрајкува со глад, да биде принудно хранет во затвор, објави полскиот претседател Анджеј Дуда.

„Од сопругата на Камински добив информација дека е издадена судска наредба за присилно хранење, бидејќи неговата состојба почна да го загрозува неговиот живот и здравје“, изјави Дуда за новинарите во Давос.

Ројтерс оценува дека тоа ќе ги разбуди емоциите во Полска, во време на конфликт меѓу старата и новата администрација.